أبيات شعرية بمناسبة العيد الوطنى السعودى السادس والثمانين

العيد الوطنى السعودى
بواسطة العضو : محمد مراد | بتاريخ : 7- أغسطس 2016

الجدير بالذكر بأن الملك عبدالعزيز آل سعود رحمه الله أطلق مرسوماً ملكياً والذي يحمل الرقم 2716 في السابع عشر من جمادى الأولى بتاريخ 1351 من الهجرة النبوية يقتضي بتغيير اسم مملكة الحجاز ونجد إلى المملكة العربية السعودية وهذا السبب الذي يحتفل من أجله الشعب السعودي بهذا اليوم الذي يتفخرون فيه بتأسيس بلدهم.

ودون التاريخ العربي والإسلامي هذا التاريخ والذكرى الأولى لتأسيس السعودية ابتداء من يوم الخميس الموافق الثالث والعشرون من سبتمبر من العام 1932 ميلادية ومنذ ذلك الوقت يقوم الشباب والبنات السعوديين بإحياء هذه الذكرى جيلاً بعد جيل.

يقول الشاعر عبد الله السلوم رحمه الله:
اليوم هو يوم الوطن يوم الافراح
يوم تجلى فيه معنى السعاده
يوم غلاه مداخل كل الارواح
في كل عام يزيد حبه زياده
له قصة توج هدفها بالامداح
متلاحم فيها الوطن والقياده
قصة بطلها ما توقف ولا ارتاح
حتى بنى مجد الجزيرة وشاده
حر يباريه السعد وين ما راح
ان شاف طير يدرج الحوم صاده
ياما سهر لين ابلج الصبح ينباح ما حط راسه فوق لين الوسادة

 

يقول الشاعر أحمد الناصر الاحمد:
زان القصيد وقيمت الشعر لا زان
انك على اللي يعشقونه تذيعه
يقولها الي عارف كل الاوزان
نظم الشعر عنده من الله طبيعه
جال النظر والفكر في كل الاوطان
والله ما يوجد بكل الوسيعه
دوله سحابه خير واشجار امان
دوحة رخا في ظل حكوم الشريعه
اعني السعوديه لها المجد عنوان
معروفه في منزلتها الرفيعه
الشعب والقادة يعلون الاركان
كل الوفاء بارض الجزيرة جميعه
ان جيت لداخل ولا الشعب فرحان وان رحت بالراء شفتها بالطبيعة .

 

يقول عبد العزيز عبد الله السناني:
هذا الوطن والعدل يلبس شعاره
بيرق بلدنا في سما المجد خفاق
دار غدت بالدين نور ومناره
في ظلها تولد مفاهيم الاخلاق
وجهي سعودي ولكواكب مزاره
طموح جاوز بالزمن حد الافاق
ياحظ من هو دار الامجاد داره كل القلوب بحبها تمطر اشواق

 

يقول الشيخ محمد بن ابراهيم «الوافي»

راية الاسلام بالعز منصوره
ودولة التوحيد بظلال قايدها
شرعنا الاسلام من عهد اخو نوره
البلاد اللي على الشارع وحدها
من بحر جده الى راس تنوره
ومن ورا الخرخير لطريف وحدها
الامام اللي مساعيه مشكوره
سيرة المختار جاهد وجددها
بعد مية عام من وضع دستوره
كل شبر سيرة الليث جودها
يالله انك تسقي العود وقبوره
واحفظ الباقين في عز وايدها
اسرة في نصر الاسلام مشهوره
السعود الله ينصره يساعدها
يا ذرا الشعب السعودي ويا سوره
الولايه والعهد لك نجددها
يا البلاد اللي على الخير مفطوره
ما احد ينكر جهودك ويجحدها
اسمها يعرف على كل معموره
حاكم كل المشاريع شيدها
نهضة بالمملكة صارت اسطوره
والمعارف صار بالعلم رايدها
المعارف اول انتاج باكوره
بصمته في كل حاجه تقلدها

 

من قصيدة للأمير محمد الاحمد السديري:
ياللي لكم في منبر المجد محراب نلتوه من عقب الكدر والمصايب
نلتوا رفيع المجد بسيوف وحراب وعدوانكم شافوا كثير الغلايب
بحزم ولطم فيه تقطيع الارقاب وعزم جلاميد الصخر منه ذايب
وحرب مرير فيه تقتيل الاشناب يقلب شعر راس الولد منه شايب
يشهد لهم بالطيب من وسط الاصلاب والحي واللي حد رعوج النصايب
صفوة هل العوجا مهدين الاصعاب تارد حياض الموت ورد الجلايب