اقسام الدبلومات الخاصة فى كلية تربية

دبلومات كلية التربية
بواسطة العضو : Starx | بتاريخ : 19- أغسطس 2016
  • اقسام  الدبلومات الخاصة  فى كلية تربية 
  • أولا: “طرق تدريس”

    طرق التدريس ده بقه بتتعلم فيه ازاي تدرس مواد التخصص بتاعك .. دا يعني لو بتحب التخصص بتاعك .. بتتعمق في كيفية  تدريسه يعني ازاي تستخدي طرق التدريس في التخصص اللى خدت فيه شهادتك وازاي تعمل منهج في التخصص بتاعك . والمنهج ده مناسب لأي مرحله .. كده يعني .. من اسمه مناهج وطرق تدريس 

     

    القسم ده في جامعات بيكون متفرع منه قسم اسمه “تكنولوجيا تعليم” . زي جامعة عين شمس مثلا .. وجامعة طنطا .. ماعتقدشي إن  الفرع ده موجود في المنوفية لسه وفيه بتدمج المناهج وطرق التدريس مع التكنولوجيا الحديثة في التعليم سواء كمبيوتر أو سبورات ذكية أو بروجيكتور .. الخ

     

    ندخل على قسم تاني .. فيه قسم اسمه “علم النفس”

     

    قسم علم النفس بينقسم قسمين .. علم نفس تربوي .. وصحة نفسية .. علم نفس تربوي يعني هاتدرس مواد “علم نفس” + مواد “تربوية” وتحلل بقه شخصيات الطلاب .. الخ .. يعني هتدرس تربية + علم نفس .. أما بقه صحة نفسية فدا هتدرس نوعا ما “علم نفس” مكثف أكثر من التربية .. لإنك هاتدرس كيفية تعزيز الصحة النفسية عامة وللطالب خاصة.. فيه ناس بتدخل قسم الصحة النفسية دي .. ويخدوا بعد كده حجات في التخاطب والإعاقات وبيشتغلوا في المجال ده .. بيقولو مطلوبين ..

  •  

    يبقى كده خلصنا علم النفس وطرق التدريس .. فيه حاجه اسمها أصول تربية .. ده بقه بتاخد أصل التربية نفسها .. يعني تقدر تقول كده دراسته تاريخية .. تاريخ التربية وتطورها واصلها وانواعها .. الخ ..

     

    فيه بقه حاجه اسمها “تربية مقارنة” على ما أعتقد .. ده بقه بتاخد نظم تعليمية في دول كتير وبتقارن مابينهم .. يعني كل دراستك بالنمط ده

    فيه بقه تخصص اسمه إدارة تربوية .. ودا بقه للناس اللى شغالين موجهين ومشرفين ونظار مدارس وكده .. ازاي يدير العملية التربوية نفسها ..

     

    فيه حاجه اسمها “تربية خاصة” ودي مش عارف موجودة في المنوفية ولا لاء .. لكن القسم ده بيهتم بالناس الخاصة .. يعني الموهوبين . والموهوبين دول قسمين .. المعاقين والمتأخرين عقليًا .. بينقسم القسم ده لمجالات كتير أوي .. منها إعاقات عقلية .. وإسمها الجديد “إعاقات فكرية” وبرده إعاقات سمعية وإعاقات بصرية وتوحد وتخاطب … الخ .. يعني بتتعلم ازاي تتعامل تربويا مع شخص عنده مشاكل .. أيا كانت طبيعة المشاكل دي .. القسم ده بيقولو ليه شغل كتير بالذات في دول الخليج علشان فيه ناس كتير هناك من النمط والنوعية دي . وده كله تبع التربية الخاصة ..

     

    فيه قسم جديد سمعت عنه في المنوفية اسمه “طفولة” ومن اسمه اعتقد إنه بيتعامل مع الأطفال خاصة .. وفيه ناس كتير شكلها عايزه تدخله على ما أعتقد ظنًا منهم إنه هيكون أسهل من باقي الأقسام .. لكن أعتقد إن كل قسم وليه مشاكله وصعوباته .. وفيه كلام بيتقال إن قسم طفوله ده لخريجي كليات التربية فقط .. مش عارف ده حقيقة ولا إشاعة .

    في النهاية  قبل ما تفكر في إنك تاخد شهادة لازم تفكر هاتستعملها في إيه .. بالذات في وقت أصبحت الشهادات غير ذي قمية في المجتمع وأصبحت القيمة في المهارات والكفاءات التي لديك.