خطوات زراعة البطاطس فوق السطح او فى البلكونة

large_1238380993
بواسطة العضو : Starx | بتاريخ : 27- يوليو 2016

خطوات إنتاج البطاطس فوق السطح او فى البلكونة ( بدون مبيدات)
بطاطساية واحده هتنتج 3 كيلو اقل حاجه ونحمى نفسنا وأولادنا ونوفر
هنزرع البطاطس ببيتنا ونترحم من الأمراض والكيماويات
الأول هتجيب علبة او قصيص (واحد وقاية والتانى حصاد ) هتلاقيهم موجودين عند بتوع المشاتل او محلات الادوات الزراعية والبلاستيك
لو مش لقيت او معرفتش خلى بالك تعمل الاتى :-
1- تجيب جردل من بتوع دهان الجدران بلاستيك او صفيحة وتدهنها من الداخل بأى مادة عازلة وتعمل ( اربع ثقوب باى مسمسار من اسفل علشان يصرف الماء الزائد )
2- هتيجب حوالى نص الجردل دا رمل وتقوم بتغريقه مياه وتصفى المياه وتنشر الرمل دا كويس حتى يجف الرمل ( كدا بنعمله غسيل من الاملاح )
3-هتجيب نصف الجردل التانى طمى او تربة زراعية من اى حديقة فى الشارع
4- هتجيب زرق العصافير او الطيور (براز الطيور) بمقدار طبق كبير او كيس صيدلية صغير ومعاه شوية ورق اشجار جاف وتطحنة وهتلاقى الورق فى الشوارع عادى جدا لو مش لقيت مش مشكله
5- تخلط كل دا مع بعضة اكتر من مره
6- هتجيب من عند اى راجل بتاع خضار بطاطس مزرعة ( يعنى طالع لها نتوء ) لو مش لقيت عادى هتشترى اى بطاطس او نوعية البطاطس الحمراء وترش عليها مياه وتحطها فى التلاجة مش الديب فريزر او اى مكان رطب شوية لمدة 5 ايام هتزرع منك
7 – تبدء تحط كل محتويات التربة الرملية والطيينة وزرق الطيور المخلوطين فى الجردل اللى اتكلمنا عليه وتملاه للأخر وتيجى بإيدك وتحفر فى المنتصف بمقدار 10 سم وتضع البطاطساية براحة علشان النتوء مش تتكسر ويفضل أن يكون إتجاة النتوء الخارجة من الدرنه لأعلى علشان تطلع لفوق وتطلع الأوراق
8- تبدء تروى أول مره بعدد 3 زجاجات مياه من بتوع الحاجة الساقعة لتر ، وتروى بعد كدا زجاجه كل يومين فى الشتاء وزجاجتين كل يومين فى الصيف
9- هتلاقيها طلعت ورق كتير شكله حلو ومنظره تحفة وهيكبر هيعطى منظر جمالى تفضل ترويها وتهتم بيها ومش تقطع الورق تستنى شهرين كدا هتلاقى الورق بدء يصفر تبدء براحة تفرغ محتويات الجردل هتلاقى البطاطس هيبقى نفسك تاكلها وهيا كدا
وبكدا يبقى عندك بطاطس من غير اى مبيدات ولا إضافات