مقارنة بين الدبلومات التربوية في بعض جامعات مصر القاهرة اسكندرية منوفيه الخ

دبلومات كلية التربية
بواسطة العضو : Starx | بتاريخ : 19- أغسطس 2016

السلام عليكم ورحمة الله

هذه مقارنة بين الدبلومات التربوية في بعض جامعات القاهرة وجامعات محافظة المنوفية

السلام عليكم .. أحمد الله لي ولكم، وأصلى على النبي المصطفى، ثم أما بعد:
إن الشجاعة .. صبر ساعة
في المقالة دي هنقارن بين الدبلوم التربوي في بعض جامعات مصر (القاهرة) خصوصًا
في جامعة عين شمس
في جامعة عين شمس تم فتح نظام للدبلومة التربوية (مصر الجديدة) بنظام التعليم المفتوح لمدة سنة واحده “الدراسة في يوم الجمعة من الساعة 8 صباحا وحتى الساعة الخامسة” . المصاريف في حدود ألف و 600 جنيه .. شهادة رخيصة ومريحه نوعا ما “رأي عن غير تجربة”  زي شهادة المنوفية بس فيها عيب واحد .. إن الشهادة هايتكتب فيها “تعليم عن بعد” بالرغم من إن الحضور في يوم الجمعة اجباري ولازم تحضر 75% من نسبة المحاضرات علشان تدخل الامتحان .. والتربية العملي بتبتدي في الترم الثاني مش الأول ..
………………..

وفيه جامعة عين شمس تعليم عن بعد سنه وتعليم عن بعد سنتين .. والسنه اسهل وانسب والحضور فيها يوم الجمعة كاملا .. بس الشهادة هايتكتب فيها “تعليم عن بعد” برغم الحضور .
فيه جامعة القاهرة وأعتقد والله أعلم إنها زي عين شمس بالضبط .. فتروح الأقرب ليك

………………..
فيه جامعة الأزهر 16 مادة لو كنت أزهري يضاف إليهم 8 مواد شرعية وعربية لو كنت غير أزهري .. طبعا الامتحان من غير ترم ومن غير عملي وبيكون في شهر8 تقريبا في نهاية السنه والمصاريف كلها على بعضها بالكتب تقريبا الف و 300 ..
………………..
فيه جامعة السادات في المنوفية  وفيه جامعة شبين الكوم في المنوفية
واللتنيين فيهم الحضور يوم الجمعة والسبت وفيه مرونة كبيرة في الحضور بس بتنزل ضروري في العملي لغاية ما تعرف الموجه بتاعك في المدرسة وتحاول تتفق معاه على نظام للحضور يناسب ظروف شغلك.غالبا التربية العملي بتكون يوم الأربعاء .. وبتكون في مكان قريب ليك لو إنت من المنوفية .. أو مكان سهل الوصول إليه لو كنت من محافظة أخرى .. وأهم حاجه طبعًا المتابعة على النت وعلى الجروبات علشان آخر الأخبار وآخر التطورات .. ومعرفة المطلوب إيه وكده  .. والدراسة 8 مواد ترم اول و8 ترم تاني مصاريف الف ونص تقديم وكتب ترم اول 400 وتاني 400 ..والشهادة بتطلع آخر السنه بـ 400 .. طبعا غير المواصلات . بس الشهادة مش هيتكتب فيها “تعليم عن بعد” زي القاهرة أو عين شمس.
اللى عايز يقدم قدامه الخيارات ويتكل على الله ينزل بنفسه ويسأل ويتعامل ^_^
………………..
الفكرة في الأنسب ليك بتكون تجميع لعنصر القرب مع الراحة مع المادة مع ظروف العمل .. كل ده هيخليك تختار جامعة معينة تنضم إليها في الدبلومة التربوية.

ملحوظة: ميعاد التقديم في هذه الدبلومات يكون في شهر 8 من كل عام

دا رابط خاص بمتطلبات التقديم في جامعة المنوفية شبين الكوم

إضغط هنا

وهذا رابط خاص بالتقديم في جامعة عين شمس

اضغط هنا